CCFHAB a start na mart di aña 2016. E tabata mas un di e tantu idea nan ku mi tabata kana rònt kuné. Den tur e ideanan ku mi tabata tin, mi tabata buska un ku lo pas ku mi personalidat, mi manera di ekspresa mi mes pa medio di koló, mi manera di biba mi emoshonnan. Naturalmente e pashon ku ta biba den mi na momento ku mi ta ehersé kualke projekto òf enfrentá kualke reto den bida. Mi ta kumpli ku esei pa mi mes komo hende muhé, yu muhé, ruman muhé, amiga, profeshonal muhé. Loke ku mi skohe mester a reflehá mi femenidat, kreatividat, suavedat, trankilidat, delikadesa I fortalesa den tur sentido di palabra. Esei lo mester a inspirá otro hende muhé i mucha muhé chiki, tiner i esun adulto pa nan tambe brasa nan femenidat den nan forma di bisti I e manera ku nan ta aksentuá nan beyesa femenina pa medio di aksesorio. Tur esaki ku material nan masha simpel manera un streki. Di ei mi a yega na e nòmber ku lo a representá tur loke mi ta komo hende muhé. E nòmber ei a bira:

The Curaçao Creative Femenine Hair Arts BOWtique.

  • Curacao Creative: ta representá e mentalidat kreativo amplio ku mi tin pa bin ku algu nobo i alabes util pa uso. Tur esaki banda di e suavedat, delikadesa, dedikashon i pashon pa krea kada un piesa.
    Danki na mi imaginashon e parti kreativo na yega na eksistenaia sigui pa e piesa di arte kombertí den e streki.
  • Femenine: pa inspirá e hende muhé pa nos keda den nos ròl femenina. Pa e muhé ku ta mama siña su yu muhé for di chiki pa usa aksesorionan (di kabei, paña) den tur kombinashon di koló ku ta rehalsá nos beyesa I ta duna e toke di dulsura i suavedat femenina. For di chiki e yu ta siña apresia su mes komo hende muhé te ora e yega na madures.
  • Hair: kabei, meskos ku otro partinan di nos kurpa ta un parti hopi importante ku nos komo hende muhé ta usa pa rehalsa nos beyesa i ku ta duna nos e toke di femenidat. Un aksesorio nèchi i fini trahá pa sea pone den e kabei òf pa pega na paña, ta kaba di hasi e toke maestral na henter nos presensia komo e ser femenina. No importà ku nos ta grandi, hòben òf chikí.

Responses

Your email address will not be published. Required fields are marked *

+